قصيدة عن الامانة - اشعار عن الامانة وحفظ السر - شعر عن خيانة الامانة - خواطر عن الامانة

Header Ads Widget

قصيدة عن الامانة - اشعار عن الامانة وحفظ السر - شعر عن خيانة الامانة - خواطر عن الامانة

قصيدة عن الامانة - اشعار عن الامانة وحفظ السر - شعر عن خيانة الامانة - خواطر عن الامانة





ضاقت حروف القوافي والشعر دمعة حزينه
والبحر لو شال همّي ما تزعزع من مكانه
من كثر همٍّ تكوّد في سما دنيا امينه
وكاد صاير همّي اكبر نجمة في دنيا الامانه
يهتديها كل شاعر زرع كل عمره وسنينه
في النهاية، بكل برودة، مات في روعة جنانه
ما سقى ورده لأنّ صارت الغيمة تهينه
ومات في وقت كبير بالخيانة والاهانه
صابني خلٍ بكلمة، هذا مو هذا خوينا
هزّته حرمة وتبدّل من مكانه لمكانه
من يقول بنتٍ ما تقدر تلوي للرجّال يمينه
ياخي اعشق لك حبيب وافقده وورنا الرزانه
ياخي دمعي اللي هدرته مو لجل دنيا لعينه
ومو لجل بنت تربّت في ضلوعي زعفرانه
دمعي اكبر من هواها و والله اكبر من حكينا
ودمعة الرجّال اغلى لو تهل منه مهانه
فيني كلمة عذّبتني، من زماني بالمدينة
فيني كلمة ولّعتني، و وصّلت حد الاجانه
ما اكابر بالخفوق، وذا خفوقي تعرفينه
ما غفت له عين لحظة من رحلتي عن زمانه
كان طفل في وجودك من تجينه لضمينه
ولا بعدتي عنه مرّة يستغيثك بالاعانه
يشتكي فرقاك جمرة لا بعدتي تحترينا
وكاد خبرك في خفوقي ما سهر لحظه عشانه
ما دعا الخافوق ربّه غير انك ترحمينه
من عذاب قد جزمتي هذا حقّه بلا ادانه
كنتي عنده مثل بلده في الشدايد تحكمينه
واليوم خنتيه ببساطه ويحتريك واقف مكانه
ما خطر بالك تجينه، ولا حتى تشوفينه
ماكل، شارب، ونايم، والا مخاذها بهوانه
والا صديتي خفوقك وما بغيتي تسألينه
عن حياته وش طراها من تركتيها اوطانه
ابشرك لا يضيق صدرك، لو بغيتي تسألينه
ما ابي حتى اشوفك والزعل اكبر حنانه
ماهي بس قصة كرامة وذا حبيبك تعرفينه
انا كل اللي خسرته حب بقلوبٍ جبانه
ودام طيفك باع طيفي، ومهما كنتي لي ثمينه
اوعدك ارخص ذيولك، وراح ابيعك بالميانه
واقول لك ذوقي اللي قلبي قبل كنتي تلقمينه
وباشوف ساعتها ضميرك بيتهمني بالخيانه
كود قلبك ما رأف بي يوم كنتي تعذّبينه
وابيك ما تشتكيني اذا ذوقتك عنانه
يكفيني اني قد بكيتك كثر دمع تلثمينه
يوم اهلك زفوا زينك لواحد غيري، لعانه
ومثل ما للطفل دمعه تذوب قلوب حنينه
انا لي قلب جمع لك دموع ضحايا الامانه
والدموع اصلا قوافي والشعر كلمة حزينه
والبحر لو شال همّي ما تزعزع من مكانه
من كثر همّ تكوّد في سما دنيا امينه
لي عرفت ان كان قلبي نجمة في دنيا الخيانه


يقول الشاعر

ياحيف راحو حاملين الامانه * وتقصــــــيرنا بالدين هو رأس الأسباب

الهيـــس والكذاب هذا زمانـــــه * وراع الوفاء والصدق يجلس وراء الباب

ماعاد لأهل الصـــدق والعرف خانة * ما دام قدر الراس مع قدر الأذناب

صـــار المنافق ظاهــــر صــــولجانه * يجلـــس بعد راع القيــــادة الى غـــاب

تشوف راعي المال ياكبـــــر شانه * الكـــل ينظــر لــه بتقديـــــر واعجـــاب

العقل نعمة والأدب والذهــــانه * وراعي الجهل يطيح في قلب الأنشاب

والى كثـــر هرجــــك وبين بيانه * تصـــــــير مثل اللي بلا ستر وحجاب

الرجـــــل بالواجب ألســـانه إحصانــــه * يصير صادق لــــو علـى قص الأرقاب

والي أختلف قلب الفتى عن لسانــــه * هــــذا دليــل أنــــــه منافــــــق وكذاب

الشهم ما تطري عليه الخيانـــــــــه * ولا يجلبــــــه علـــــى الرديّات جلاّب

ولا تمثلت الأدب والرزانــــــــه * رفعت قدرك بين ربعــــك والاجنــــــاب

وأعرف ترا الطيب وسيعاً بطانـــــه * عقلـــــــه كبيـــر وللرفيعـــــات كســـاب

والحــــر ما يرضى بدرب المهانــــه * مثــــل العــــقاب اللي على راس مرقاب

والناس ما خلو حدن في مكانه * قد فرّقــــوا ما بين أبــــو زيــــد وذيـــــاب

والعمــــر ماله بعد بكره ضمانه * ماله ضمان ولا نتهى ماله طباب

ترا الغضب يحرقك في عقربانه * وابليس عن راع المتاهات ما غاب




المصدر- وكالات

ميزة جدول التنقل