اكتب ما تبحث عنه هنا

أجمل شعر عن العيد – قصيدة عن عيد الفطر – اشعار معايده عن العيد

advertisement

أجمل شعر عن العيد – قصيدة عن عيد الفطر – اشعار معايده عن العيد


 

 

أجيك مقبـل والفـرح محتوينـي
طويت حزني واكتسيت السعـادة
فرحة بوجهي وابتسامـة بعينـي
وثوب جديد وعطر ريحة زيـادة
ادري الحزن له موقعه في جبيني
وادري البكا في داخلي وبعنـاده
وادري انا ما اختار شي(ن) يجيني
أقدار مـن ربـي ولا لـي إراده
بـاستمحك يا حزن تطلق يدينـي
بـأذوق يوم العيد طعم السعـادة

=============

ياساعة الفرحه تشوقت للعيد
عيد العيون وعيد قلب الصبابه

رد الجمال لشوفتي يا أتلع الجيد
واسحب على حرفي لحون الربابه

حرفي بصوتك يا أجمل الصوت تغريد
يا رمز حبي هاك رمز الكتابه

يا صبح عمري فيك للعمر تجديد
وحبك يجدد كل يومٍ شبابه

للعيد والقمرا وحسنك مواعيد
وليل الهوى شرّع للأحباب بابه

يا ما زعجت الصوت باسمك تراديد
ويا ما نسيم الوجد يمك سرابه

وياما تمنيتك على باقي الغيد
وأقول مثلك يا غلى الروح مابه

يا قطرة الغيمه على يابس البيد
رد الحياة لخافقي يا ذهابه.

=============

عيدك مبارك) ياأجمل من سكن وجداني
كل عام ٍ وانت أغلى من يمـر طاريّـه
كيف أنا ماعايدك ياللي غـلاك أشقانـي
كيف أبنسى؟ وانت يوميا ً تجيبه فيّـه!!
أشهد إن العيد هذا غيييير وطعمه ثانـي
يوم اشوفك فيه راجع لي مصفي النيّـه
إنت تامرني ياعمري/ كيـف تترجانـي؟
بس أشّر لـي وأجيلـك كلـي برجليّـه
في غيابك زاد عشقي.. وكثروا خلانـي
والله العالم لو أحسب وصّلـوا للميّـه!
كنت أبهرب من شماتة ربعي وعدوانـي
يوم تتركنـي لحالـي أصطفـق بإيديّـه
لكن الحين انت في قلبي هنـا وحدانـي
وكل هالميّه فـوجودك حاجة ٍ منسيّـه
ياغناتي.. ياربيـع القلـب.. ياتحنانـي
اضحك وخـل الحيـاه ألوانهـا ورديّـه
لابغيت أعزف وأغني بك تطيب ألحانـي
والقصايد في وصوفك تنكتـب عفويّـه
والله إني يوم شفتك أورقـت أغصانـي
وأزهرت في صبح عيدي (ورده سعوديّه)
لارجع خلي لحضني وصـار يترجانـي
مانظرته – مثل غيري – نظرة ٍ دونيّـه
الكبر لله ياقلبي وغيـر وجهـه فانـي
والمحبه رغم بعدك هيّه زي مـا هيّـه
(عيدك مبارك).. لغيرك مانطقها لساني
كيف أبنطقها وغيـرك مايمـر طاريّـه

===========

أعذب تهنئه لأعذب أحساس
ياللي غلاك ماله قياس
كل عام و أنت اسعد الناس
كم نحن سعداء
عندما أبقتنا الأقدار
الى هذا اليوم
لنبعث التهاني بمناسبة عيد الفطر
الى أُناس نحمل لهم
في قلوبنا
ودعت بك عيد مضى و أقبلت بك عيد جديد
يالله عسى عيدك سعيد
يا إلهي يا سر الوجود
زيل الهم عن حبيبي الموعود
ومدد لي بعمره واجعله بكل عيد
فوق راسي موجود
كــــ ربــي ـــــل
عــــ احفظه ـــام
وإنـــ ويسر ـــت
بخيـــ أمره ــــر

============

ألا يا عقد من الماس
ألا ياللي القمر جارك
أقولك قبل كل الناس
يجعل عيدك مبارك

 

 

المصدر- وكالات
advertisement
تابعنا